日本高知慢活之旅
日本高知縣
香港人嘅生活態度，事事講求效率，有時去旅行都排成十幾廿個景點，分分鐘去旅行仲攰過返工，所以今趟日本旅行，決定「慢活」遊走四國高知市！
第一站高知城
行上去最頂層嘅天守閣，可以由東南西北唔同方向望返高知市，市內重要嘅建築物，例如博物館、大學通通一目了然！其實現存嘅天守閣曾經被燒毀過再重建，可以保存到而家嘅面貌真係好難得！
牧野植物園
慢活嘅下一站就去咗牧野植物園，唔講唔知，牧野植物園係高知必到嘅景點之一！
遊走牧野植物園
雖然植物公園周圍都有，但係要親身去過先感受到佢嘅特別之處! 入面嘅建築空間設計同植物互相配合，充滿藝術感嘅展館佈滿成個山頭，有超過3000種植物，一年四季去睇嘅植物都會唔同，沿住山路慢慢行，影下相，輕輕鬆鬆過一個悠閒嘅下午！
西島園藝團地
早上9點-下午5點
之後輪到最期待嘅活動，就係去摘士多啤梨。每年2至4月係士多啤梨當造嘅季節，粒粒都又大又甜，有時喺香港超市見到甜王呀淡雪呀通通得個望字，價錢貴又唔捨得買嚟食，遊高知一定要嚟西島園藝團地仲唔食返夠本!
另一個世外桃園
西島園藝團地本身係一個果園，查實係「高知世外桃園」，入面除左有溫室種植場之外，仲有個花花草草包圍住嘅靚Café，充滿田園氣息，休閒嘆杯咖啡，絕對係打卡熱點!
新鮮又多汁-士多啤梨，西瓜哈密瓜
最後臨走當然要入下貨，佢地嘅市集有賣紀念品同埋自己種嘅士多啤梨，西瓜哈密瓜，新鮮又多汁，唔買真係對唔住自己呀!!
休息，是為了走更遠的路
「休息，是為了走更遠的路」去尋找生活中嘅平衡點，就由慢活旅程開始!
高知酒店推介-高知新阪急皇冠酒店
The Crown Palais New Hankyu Kochi酒店距離標誌性的高知城僅有5分鐘步行路程，坐落在高知市中心，提供24小時前台提供行李寄存服務，除了有基礎完善設備外，更可向酒店查詢汽車租賃或免費單車。
另外，更有酒店的Benir餐廳擁有精緻的裝飾，供應法式美食，而Kazan餐廳當著客人的面烹製鐵板燒美食。Shichifuku日本餐廳提供採用時令食材製作的精緻菜餚。
地址：4-2-50, Honmachi,KOCHI,JAPAN
Check in 14:00 / Check out 11:00
高知酒店推介-足摺国際ホテル
位於四國最南端的足摺岬，面海客房可欣賞雄偉的太平洋美景，還可品嚐本館自豪的美味料理，參加備受好評的夜空觀星之旅。
地址：662 Ashizurimisaki, Tosashimizu-shi, Kōchi-ken 787-0315, Japan
想了解更多，請與我們的旅遊顧問聯絡：2313 9800